منذ سنوات ..
وانا أراه ..
اتحلم للقياه ..
أتمنى ..
إما لا أملك ما أعطي ..
أو لا أجد من يأخذني إليه ..
يا إلهي
إنه

aaaaaaaaaaaaaaah !
ياما حلمت
وتخيلت نفسي أحضر
وأشوف الفيديو وأبكي – تقريباً
ميتة أبي أروووووووووح !
أحياناً لا أستطيع أن أذهب لأن تكاليف الملتقى باهضة جداً ! وعندما أستطيع يكون جدول أخي مزحوماً
هذا العام .. كان هناك أحد الزوار “القادة” الرائعين .. وهو ديفيد بلوف .. مدير حملة باراك اوباما الانتخابية ! وهو الذي أشرف عليها بحيث حققت نتائجاً لم يسبق لها مثيل في تاريخ أمريكا كله !
فعندما رأيت هذا ! دقّ قلبي !! وهنا ليس فقط تمنيت ! بل ماذا أقول؟
آاااه
بل أصريت أن أذهب !
وبدأت كل يوم أتخيل نفسي أذهب إلى هناك
غير الخيال الذي دام لسنوات
;P
وبفضل من الله وتوفيقه !
كنت أريد أن أذهب إلى بنك في المنطقة التي يسكن بها أخي .. اتصلت به .. وسألته إن كان البنك به أحد الخدمات .. لا أذكر كيف كان .. لكن فجأة قلت له أريد أن أحضر محاضرة ديفيد .. أرجوك .. فقط هذه مارأيك؟ وأنا لا أدري إن كانوا يوافقون على حضور محاضرة واحدة فقط !
قال .. طيب اسأليهم .. وأخبريني بما أنه يوم واحد فقط ! واقترحت عليه أيضاً أن نذهب في الصباح ونرجع مساءً بحكم عمله “القاسي” !
وااااااو
اتصلت بهم .. أخبروني بسعر مرتفع بشدة .. 500 دولار لحضور ساعة واحدة فقط
هل سيأتي اليوم الذي يتهافت فيه الناس ليسمعوا مني ساعة واحدة فقط؟
;P
أتمنى أن يحصل ذلك لأكبر عدد ممكن من العرب المسلمين ! أتمنى وأتوقع أنه قابل للحصول !
طيب .. وافقت على الرغم من ارتفاع السعر ! لكن كنت متيقنة أن الموضوع يستحق ! خاصة وأن بهذا المبلغ سأحقق حلمي !!
حجزت .. وطلبت أختي أن تذهب معنا ..
طيب ..
المحاضرة تبدي 9:10 الصبح
الطيارة تطير من الكويت 6 الصبح
نوصل هناك 8:35 بتوقيت دبي
يعني عندي تقريباً نصف ساعة فقط عشان أوصل !!
وصلت الطيارة 8:25 ..
وتعرفون مطار دبي سفر عشان توصل حق الجوازات !!
نمشي .. ونمشي .. ونمشي ..
وأنا أدعي ان يمدي الوقت
وطالعت الساعة ترليون مرة !
كل شوي .. أشوف الساعة
وأفكر راح أحضر ولا لا ؟؟!
حدي أبي !!
مادري يمديني ولا لا !!
نمشي ونمشي ونمشي ..
وأنا أدعي وأقول “يا قدوس” عشان ربي يبارك لي بالوقت (حده ينفع هالدعاء)
مشينا ونمشي وتمشينا
وصلنا الجوازات !!
جان يقول .. اول مرة الاخت تجي دبي بالبطاقة المدنية؟ “عن أختي”
طالعتها وقلت تكفين مو وقته قعدي واحنا بنروح
الحمدلله كان مجرد سؤال من الأخ
مشينا
أحلى شي ان ما عندنا جناط بالشحن !
مانطرنا
طلعنا
تاكسيييييييييييييييييي
ركبنا
تكفى طيارة
جان اتصل على
Leaders in Dubai – الشركة
عطوني رقم موبايل
اتصلت
كانت الساعة 9 !
قلت لها بديتوا؟ “تكفوون انا ياية من الكويت نطروني
“
جان تقول اتوقع توه بادي
سألتها شلون طريقة الدفع عشان ما أتعطل لما أوصل .. سالتها أي قاعة بمركز المؤتمرات عشان بسرعه !
ورديت شفت الساعة مرة وثانية وألف
والمضحك اني اشوف ساعة ايدي والموبايل مادري ليش؟
وبعدها أزيد ساعة لأن في فرق بين الكويت ودبي
وصلت
هاه
هلووو مادام
بسرعة خلصونيييييييييي
قلت لها اخلي بطاقتي المدنية عندج ولما اطلع ادفع؟
قالت نوو ;( يو هاف تو بي ناو
دفعنا وسوت لي بطاقة فيها اسمي
واسم شركتي
حدي كنت صـــــــــج !
المهم ركض
مشي سريع بالاحرى
دخلت !
وااااااااااااااااو
شعور رائع
وااااااااااو
سويتهاااااااااااااا
وييت ملتقى القادة في دبي
الي ياما شفت الزحمة بالفيديو والصور
ياما شفت الحضور شكثره وتمنيت اكون بينهم !
دخلت .. والا العم ديفيد كان بادي طبعا
بس توه 10 دقايق تقريبا ..
مشيت
مستحية ومكيفة حديييييييييييي
صعدت على المدرج .. أدور كرسي فاضي !! ماكو
ادور وادور
لقيت ..
قعدت .. معاي الملف الي منهم ! أبيه وناااااااااااسة
شعور مو صج !
تحقق حلم !
بالنسبة لي حلم ! أتوقع الموظفين بالشركات الي يبعثونهم كلهم مدراء لان المؤتمر كله كيف تكون قيادي ناجح !
وما اظن أحد يجي على حسابه لأن التكاليف عالية جداً .. واذا كان في أحد عفية عليه << يعني عفية علي بس بأدب
المهم ..
قعدت .. و
NEYAHAHAHAH
سجلت المحاضرة صوتياً في موبايلي
;D
كنت ناوية أشتري مسجل صووت سوني .. بس ما مداني وترددت !
المهم ..
انا أول ماقعدت صراحة كنت مو مصدقة !!
مو متخيلة
فكنت أحاول أركز بالكلام الي يقوله
بعدين اسرح
“أبيه ميونة انتي الحين في مؤتمر
LEADERS in DUBAI
متخيله؟
كنتي دايما تتخيلين انج راح تحضرين .. وخاصة هالمحاضرة .. وتحقق حلمج”
LOOOL
والله ضحكت وقتها ! لان كنت متحمسة لي درجة ما قدرت اركز
واحاول واحاول لما اندمجت
;D
طيب ! الحلو بالموضوع .. اني الي كلمتهم من الشركة قبل ما اقرر اشترك .. طلبت منهم خصم ! أو انهم يخلوني احضر اليوم كله على الأقل بهالتكلفة !
مارضواااااااااا
بريطانيين مايتغشمرووون !!
لما وصلت
استقبلتي وحدة اتوقع لبنانية أو اردنية
قالت لي قعدي طول اليوم مو تطلعين !! من صجج انتي !!
Al Gore
راح يتكلم ! اوعي تفوتي
طبعا راح اكون غبــــــــــــــــــية وعبـــــــــــــيطة ومادية
اذا قلت لا بروح السوق وبخلي المؤتمر كافي علي محاضرة ديفيد
LOL
قالت لي محد يقدر يكلمج واذا احد كلمج قوليله ما دريت وطلعي
;p
طبعا .. كيفت ..
لكن !!
بدت الأفلام !!
موبايلي مافيه شحن
الذاكرة مترووووووووووووسة !!
!!!
أذكر لما زرت مركز المؤتمرات قبل بضعة أشهر، كان في محل تلفونات ! بس وينه؟
المهم، رحت ولا طلع محل اتصالات – شركة خدمات الهاتف ودلّوني على محل في جهة ثانية من المركز ..
رحت..
وطلبت منهم بطارية ولا مو مشحونة وماعنده شحن بالمحل !!
عيار
;/
وانا قاعد افكر تكفوون لا شلون ابي اسجل المحاضرات !!
المهم .. ما اطول عليكم
;p
لقيت شاحن صغير ينشحن بالكهرباء وبعدين تركبه في الموبايل عشان يشحنه !
شريته وشريت بطاقة ذاكرة 2 جيجا .. كان عندي 1 جيجا بس
ولا طلع مافيه شحن !!
شحنوه لي شوي
بدت المحاضرة
:S
خذيته ورحت
وخلاني اسجل تقريبا ساعتين .. وطفا
وكنت اورح مرة ثانية المحل في أي
break
يعني بين المحاضرات عشان أشحن البطارية الي راح تشحن موبايلي !!
لي درجة ما قدرت حتى أروح أشرب ماي !!
أو أروح الكوفي بريك
أو حتى غداهم !!
ماكو وقت
فلم والله
رايحة رادة حق محل التلفونات وشوي بعيد فـ مشي
!
بس صراحة الموضوع يسوى حدا
يكفي ان حلمي تحقق
=D
طبعاً أنا صج سجلتهم لكن ما اقدر انشرهم لان ممكن يجروني من مكاني
;P
لان هذول شخصيات عالمية وموقعين اتفاق مع الشركة ان ما ينشرون اي شي بالانترنت او اي وسيلة اعلام
لكن راح اكتب لكم الملخص الي فيه الفائدة وهذا أمر محمود
احتاج شوي وقت لاني هالاسبوعين مشغولة في برنامج دورات
طيب !
خلصت الساعة 6 !
وكان ختامها
aLOGRE
خبونا عليه وايد
:p
طول الوقت يتكلم عن البيئة والكلايمت
change w global warmmig
فماكو شي استهواني في محاضرته الا بعض الكلمات فقط !
كانت الساعة 6 لما خلصوا
من 9 الصبح – 6
والله انصدمت ان انا قعدت 9 ساعات وماحسيت !!
لا ماي لا عصير لا اكل لا شي
كل هذا من أجل العلم؟
يا سلام علي والله
;P
بالنسبة ل
Algore
بغض النظر عن محاضرته، لكن حضوري لملتقى اهوا تكلم فيه، واني اشوفه يتكلم هذا في اضافة حتى لنظرتي للحياة .. ولشعوري تجاه نفسي .. وللدافع الي عطاني اياه هالملتقى
فالحمدلله ..
بعد ما طلعت .. دقيت على أهلي الي بالسوق – قلبي كان معاهم
– فمروني
قبل ما يمروني رحت كأني خرجة مبلولة بماي – تعبير أبوي – من التعب !
لان اليوم الي قبله ما نمت الا ساعتين !! – الظاهر ما كنت مصدقة اني بروح الملتقى
LOL
لقيت محل دخلت ومافيني حتى اختار.. شفت ساندويتش جبن شريته وقعدت اكله وانا انطر اهلي .. كسرت خاطر نفسي
كنت مهدودة الحيل
طبعاً خذوني ورحت محل شريت شغله ورديت الكويت ولله الحمد
والحمد لله ألف حمد ياربي ..
اللهم لك الحمد كما ينبغي لجلال وجهك وعظيم سلطانك !
الحمدلله ملأ السموات والأرض ومابينهما من شيء بعد
ربي سهل لي ويسرلي ان حضرت كل المحاضرات مو وحدة .. مع ان كان ضايق خلقي لما مارضوا اول شي
ربي سهل والحمدلله !
AM SOOOOOOOOOO HAPPY !
والملتقى والله يسوى !
وان شاء الله .. ان شاء الله .. راح اروح السنة القادمة بحيل الله بدون أي كلام
=D
طبعا الي تكلموا في الملتقى في اليوم الثاني الي حضرته
David Plouffe
مدير حملة باراك اوباما الانتخابية .. عمره 39 !!
Jack Perkowski
أكبر مستثمري الصين – أمريكي الجنسية – شوقني اروح افتح شركة هناك
Steve Farber
كاتب وقائد ومدير شركة اكستريم ليدرشب .. هذا كان فظيـــــــــــــــع واهوا الوحيد الي طلع حق الجمهور بعد المحاضرة، اهوا وجاك ! الباقي لازم نحجر وتدفع عشان تكلمهم – شدعوه
– سألته عن شغله صارت لي .. وكنت مستحية وصوتي يرجف وكلهم متجمعين حوالي يسمعون سؤالي
Benjamin Zander
هذا دكتور موسيقى كلاسيك .. فظـــــــــــــــــيــــــــــــع !
أكبر من جدي السابع ما شاء الله .. لكن يناقز ويطامر بالمسرح وحمسنا وخلانا نغني ونصفق وكل شي
=D
اطول محاضرة كانت له ! عجــــــــــــــــيب
Gulf Business Panel Debate
مليق
:p و كلام فاضي
;D
ونصه كنت أشحن موبايلي .. تأخرت في بدايته وطلعت قبل نهايته
بس استفدت منه اني سمعت نظرة الغرب للاعلام في العالم العربي – راح اذكره لما افرغ المحاضرات ان شاء الله
The Honourable Al Gore
نائب رئيس أمريكا السابق ل8 سنوات
مثل ما قلت لكم تكلم عن البيئة .. شي بعيد عني تماماً
لكن يشرفني ان سمعت منه ..
في الختام
بعد هالقرقة الطويـــــــــــــلة .. أقول
يقول براين ترايسي..
الفرق بينك وبين من ستكون بعد 5 أعوام هو عدد الكتب التي قرأتها والشخصيات الذين قابلتهم ..
الحمدلله الملتقى خلاني أحتقر بعض المشاكل الصغيرة في الحياة اليومية الي مزعلتني ومخليتني أفكر فيها !! ما كو شي يستحق كثر ان الواحد يحدث تغيير في هالعالم .. وخاصة من محاضرة ستيف حسيت ان العالم ينتظرنا .. صدقوني .. أكثر مما كنت أتصور وأكثر مما كنت أنوي القيام به وعمله .. العالم ينتظرنا .. وبالأخص العالم العربي .. رحم الله حالنا .. عندما سمعتهم يتكلمون .. مثل هؤلاء من الممكن أن يغيروا عالماً بأكلمه، لذلك وجب أن نحيي مثلهم عندنا لألا يقضوا علينا !
شكراً لكل من وصل إلى هذا السطر
=D
الصور ..

Stage

Stage 2

People

Steve Farber

Benjamin Zander

The file they gave me (US ;p coz they gave everyone ;D)
اخر شي لما طفا موبايلي استخدمت كامرتي الفيديو بس كنت خايفه احد يشوفني ! بس طلع الصوت اوضح ! لكن المشكله الكاميرا تصير
stand by
اذا ما حركتها ;/
فبعض كلام algore مو مسجل لان مادريت عنها
